Siman pasa e outo Extreme Import di Kòrsou “Blackout” a marka historia na e pista di Orlando Speedworld awèl e fin di siman tras di lomba un historia nobo a keda skirbi na e pista di drag mas importante di Florida ku ta na Gainsville.
Ta momentu ku mester a kore e final di e kareda di dia ku e outo Mazda RX-8 “Blackout” propiedat di Leonard Van Rump, mihó konosí komo “Peter di Master Painting” y manehá pa driver y tuner Abel Burgos di Abel Performance mester bai enfrentá e outo Mazda RX-8 “Rafik” propiedat di Michael Eddine manehá pa Carlos Gonzales di tune pa Wilbert Performance i crew chief y mapping editor pa e yu di Kòrsou Dennis Brouwer aya na Gainsville, Florida.
Den e final aki ku 2 outo di Kòrsou ku nan bandera nan di Kòrsou ta hasi historia aya na Gainsville.
[gard]
E outo “Blackout” ku Abel Burgos a bai ku e viktoria pa 2 siman konsekutivo i na di 2 lugá a keda e otro outo di Kòrsou “Rafik” ku Carlos Gonzales tras di stür.
FAC y práktikamente Kòrsou kompletu ta kontentu ku e logro aki ku e outo “Blackout” y “Rafik” ku ta kore ku e nòmber y ku e bandera di Curaçao / Kòrsou aya na e pista nan di Merka.