Willemstad, 3 febrüari 2014

Redaktor deportivo

Komunikado “FAC y su Komishon ta tuma 2014 bek”

FAC, Fundashon Autosport Curaçao i su Komishon Organisadó ta tuma e batuta over den 2014 pa tantu Kareda nan di Drag Internashonal komo Street Legal.

Street Legal a bai over 2 aña pa “Operashon Street Legal” ku a hasi e aktividat nan éksito i ta tin algun fundashon ku a tuma over kareda i show nan na Curaçao International Raceway..
Na aprel 2013 a duna dispensashon na Aruba pa nan por a selebrá 30 aña Drag Racing y tambe 30 aña International Raceway Palu Marga na Aruba.

For di Mei 2013 Komishon Organisadó a sinta bek pa asina kuminsá ku e preparashon pa e kareda di drag internashonal Drag Fest 2014.
A hasi modifikashon na e pista i ampliando e parti di salida di e pista te ku 330 meter di betòn.
Ya fecha nan ta kla pa e aktividat di Drag Fest 2014 di kual e festival ta kuminsá for di djamars 29 di aprel ku e gran Car & Bike Show na Brionplein, sigui pa dia 30 aprel ku e sekshon di tèst pa tur e invitado nan di eksterior sera konosí ku nos fasilidat nan. Y 1, 2, y 3 di mei ku e kareda internashonal.

Primeramente manera semper, Komishon Organisadó di FAC tin un reunion general ku doño nan di tantu motosaikel i outo nan di Kareda i Street Legal, ku ta tuma lugá djamars 11 di febrüari pa 20.00 (8’or) aya na Curaçao International Raceway.
Despues di esaki pa tur koredor por kustumbrá ku e kambio nan hasi riba e pista lo bai tin un sekshon di tèst 8 di mart kuminsando for di 19.00 (7’or) na Pista di Drag na Ronde Klip, Curaçao International Raceway.

Akinan nos ta inkluí e “race shedule” pe eventonan di Street Legal pe aña 2014:

Djasabra 8 Mart: Test Night
Djabièrnè 28 Mart: Keuring pa Evento #1 Street Legal
Djasabra 29 Mart: Street Legal Evento #1
Djasabra 16 Aprel: Test Day
Djasabra 31 Mei: Street Legal Evento #2
Djasabra 28 Yüni : Street Legal Evento #3
Djasabra 2 Ougùstùs: Street Legal Evento #4
Djasabra 6 Sèptèmber: Street Legal Evento #5
Djasabra 27 Sèptèmber Street Legal Evento #6
Djasabra 29 Novèmber Entrega di Premio Pointseries Street Legal

NOTA: por tin algun kambio riba e fecha nan
Street Legal: 7’or di Djasabranan anochi pa 1:30 AM
Test Days: Djasabranan 7:00 PM – 12:00 AM; òf Djadumingunan 6:00 PM – 10:00 PM
Karedanan international lo ta, anochi ; 7:00 PM pa 2 AM .

Tin trabounan tambe bezig pa mantenshon riba Curacao international Raceway.

Trabou nan di mantenshon na Curaçao International Raceway ta den full swing. Aki un bista riba e starting lanes.
Trabou nan di mantenshon na Curaçao International Raceway ta den full swing. Aki un bista riba e starting lanes.
Aki e pista ku tur su rùber nan na start di skrap y ku e pista full di nobo nobo pinta.
Aki e pista ku tur su rùber nan na start di skrap y ku e pista full di nobo nobo pinta.
Burnout área ta di skrap y full pinta.
Burnout área ta di skrap y full pinta.
Entrada di Curaçao International Raceway a keda kompletamente limpia danki na e tim nan ku a uni pa hasi e gesto aki ku ta “Sin Stress Racing” y “Dega Racing”.
Entrada di Curaçao International Raceway a keda kompletamente limpia danki na e tim nan ku a uni pa hasi e gesto aki ku ta “Sin Stress Racing” y “Dega Racing”.

Pa mas informashon i foto di e aktividat di Street Legal i kareda lokal i international por bishita nos website nan ofisial www.curacaodrag.com i www.bo-koi-kareda.com i www.paporacing.com i www.rpmaruba.com i www.dragactioncuracao.com i www.tcobcur.com i tambe nos página nan riba FaceBook.