FAC ku su Komishon Organisadó i spònser nan huntu ta yama públiko, fanátiko i koredornan masha danki pa e respòns na tantu e Real Street Legal y Ronde Klip Shootout nan di 2014.
Sigur e pe último djadumingu di luna e Real Street Legal (RSL) a bira e sitio di djadumingu atardi. Ta bon ku tur tin e oportunidat a presentá pa esnan ku kier eksperimentá ku e deporte. Tantu koredor nan nobo ku outo, motosaikel y scooters a bin purba i a gusta.
[gard]
Pa esnan ku ta gusta mas velosidat y profeshonalismo tin e kustumbrando Ronde Klip Shootout.
Dia promé di novèmber lo bai na kore e último kareda di RKS pa 2014 pa asina por skohe e mihó koredor di e respektivo kategoria nan. Un notisia positivo ku a drenta ta ku e koredor Venezolano Danilo Namour lo bai bini ku 2 outo pa asina djòin e Ronde Klip Shootout. Ya un di e outo nan a yega i Danilo a hasi 2 pas’é ku n’e. E promé pas’é sin Nitrous di 8.90 i su segundo pas’é ku Nitrous a kue un 7.61 sekònde. E di 2 vehíkulo ta na kaminda. Tambe for di Aruba lo bai tin un motosaikel ku lo bai kompetí den nos RKS 2015. E lista di koredor nan den nan kategoria ta lo siguiente.
Kategoria Street Bracket ku ta kore di 18.00 pa 14.00 sekònde:
1. David Tannelek (Toyota Starlet Turbo “Baasbol”) – 510 points
2. Ethley Martina (Toyota Starlet “Family Racing”) – 450 points
3. Sharnela Martina (Toyota Starlet) – 430 points
4. John Beaumont (Toyota Starlet Turbo) -420 points
5. Otmar Conradus (VW Golf VR6 “La Viagra”) – 400 points
Den kategoria Heavy Bracket Box ku ta kore di 11.50 pa 8.90 sekònde:
1. Virgil Henriquez (Plymouth Duster “Mr Holley 2”) – 648 points
2. Riordan Zimmerman (Camaro IROC-Z “Follow Me”) – 490 points
3. Raeshel Maduro (Chevrolet Monte Carlo “Ram Bam”) – 480 points
4. Randall Wederfoort (Camaro “Mr Punch 1”) – 450 points
5. Michael Dijkhuizen (Pontiac Firebird “Mr. Dijk”) – 447 points
Den kategoria Heavy Bracket No Box ku ta kore di 13.99 pa 9.20 sekònde:
1. Christopher Angela (Toyota Starlet Turbo “Dega Racing”) – 530 points
2. Senthley Martina (Toyota Starlet Turbo “Diablito”) – 490 points
3. David Tannelek (Toyota Starlet Turbo “Baasbol”) – 470 points
4. Juliene “Andy” Bonifacio (Starlet Turbo “The Dynamic One”) – 437 points
5. Edilbertho Henriquez ( Mazda RX-7 V-8 “Black Devil”) – 390 points
Den kategoria Street E.T. Bike ku ta kore for di 11.50 sekònde pa mas rápido:
1. Bryan Leito (Suzuki Hayabusa Oakley Racing) – 450 points
2. Andrew Soeterboek (Suzuki 1000 Suki Racing) – 410 points
3. Cezjan “Jenny” Martis (Suzuki Hayabusa Still Balling Racing) – 330 points
4. Christopher “Cleo” Soerka (Suzuki Hayabusa JCJ Racing) – 350 points
5. Hubert Constancia (Suzuki Hayabusa Bula Racing) – 321 points
[gard]
Djadumingu 26 di òktober tin e “Real Street Legal.” Kue bo ta kue bo ko’i kareda manera e ta basta ku tur kos ta legal na dje i yega pista.
Djasabra 1 di novèmber lo ta e ultimo “Ronde Klip Shootout” ku porta i inskripshon ta habri for di 18.00 (6’or). Pa 19.00 (7’or) te ku 20.00 (8’or) tur outo ku tire slicks tin chèns pa hasi nan pas’é nan di tèst. Kòrda ta solamente pa outo nan ku Tire Slicks òf Semi Slicks. Despues di 20.00 (8’or) ta kuminsá ku e kualifikashon nan. Entrada pa adulto ta Ang. 10,= i mucha bou 12 aña ta drenta pa Ang. 5,=. Tambe por forma un grupo di 10 i drenta pa Ang. 75,=.
Danki na e spònser nan: Auto City, CUROIL, ARPO Body Shop, EMS Dyno, NAPA Auto & Truck Parts, Alcolado Glacial, AVF Antiliaanse Verf Fabriek, Shell Helix Motor Oils, TCOBCUR, Star Motors, IEPA Agencies.
