FAC y su Komishon Organisadó ta sumamentu kontentu ku tur e reakshon positivo nan ku ta drenta di e kareda nan di Real Street Legal, despues di e 2 aktividat nan tras di lomba i meskos di e D1 drifting na Curaçao International Raceway.
Djasabra awor 2 di aprel lo bai tin e promé Ronde Klip Shootout pa e point series 2016.
Práktikamente tur kos ta meskos. E kareda nan di Ronde Klip Shootout, RKS, ta meskos ku 1 dia di kareda formal, kaminda e pista ta keda trata optimal, ku traction compound, den kondishon haltu manera normalmente den un kareda internashonal. Tambe ta rekerí tur e standard nan di seguridat manera normal ku ta den buki di regla ku tur por download esaki nan for nos página web ofisial ku ta www.curacaodrag.com .
[gard]
Lo tin e kategoria nan tradishonal ku ta kore pa e punto nan pa na final di aña nos por mira ken ta e mehor koredor di aña huntu ku tur e premio nan ku e lo risibí na trofeo i kèsh.
Lo kore Heavy Bracket Box, ku ta e outo nan ku ta kore di 11.50 pa 8.20 sekònde. Full pak bisti.
Kampion Heavy Bracket Box 2015 Virgil Henriquez ku su Plymouth Duster “Mr. Holley 2” di “Techi Racing Team” ku ta e outo nan ku ta kore di 11.50 pa 8.50 sekònde.
Tin Heavy Bracket No Box, ku ta e outo nan ku ta kore di 13.99 pa 9.20 sekònde. Na 10.99 full pak.
Kampion Heavy Bracket No Box 2015 ku ta Sentley “Polin / Ninja” Martina di “Family Power Racing Team” ku su Toyota Starlet Turbo “Diablitu” i ku ta e outo nan ku ta kore di 13.99 pa 9.20 sekònde.
Ta kore Street Bracket, ku ta e outo nan ku ta kore di 18.00 pa 14.00 sekònde.
Ethley Martina di “Family Power Racing Team” ku su Toyota Starlet kampion Street Bracket 2015 ku ta outo nan ku ta kore di 18.00 pa 14.00 sekònde.
Tambe e motosaikel nan tei den Street E.T. Bike, ku ta kore for di 11.50 sekònde pa mas rápido. Full pak.
Kampion Street E.T. Bike 2014 y 2015 Christopher “Cleo” Soerka ku su Suzuki Hayabusa di “JCJ Racing” ku ta e motosaikel nan ku ta kore for di 11.50 pa mas rápido.
Tur vehíkulo mester tin tire nan Slicks òf Semi Slicks. Tur sobra tire ta prohibí pa kore ku n’e.
Djabièrnè awor, promé di aprel, lo bai tin un Happy Hour for di 19.00 (7’or) pa 22.00 (10’0r) na pista di Curaçao International Raceway na Ronde Klip kaminda tur koredor ta hasi nan inskripshon i inspekshon tékniko (kùring 2016) i lo risibí un entrada grátis pa djasabra.
Djasabra 2 di aprel, porta i inskripshon i inspekshon tékniko ta kuminsá 18.00 (6’or) te ku 20.00 (8’or).
Pista mes ta habri 19.00 (7’or) pa test & tune & set up pass. Pa 20.30 (mitar di 9) lo kuminsá ku e kareda nan di kualifikashon pa despues bai kulminá ku kareda nan di eliminashon.
[gard]
Djaluna 4 di aprel lo bai tin un reunion informativo for di 19.30 (mitar di 8) na Curaçao International Raceway na Ronde Klip ku tema “Curaçao International Drag Fest 2016”.
Entrada pa adulto ta Ang. 10,= i mucha bou 12 aña ta drenta pa Ang. 5,=. Bar y Kushina nan ta hopi bon surti i ku preis nan regular. Ta prohibí pa subi tereno di Cur. Int. Raceway ku konsumo propio.