FAC y su Komishon Organisadó ku petishon general huntu ku TCOB Curaçao ta bai tin e último Real Street Legal 2014 djadumingu awor 26 di òktober na Curaçao International Raceway. E biaha aki lo bai mira ken lo bira e King Of The Road den outo, motosaikel y scooters. TCOB Curaçao ta opsekiá trofeo na e King Of The Road nan 2014.
[gard]
Djadumingu 26 di òktober, tras di mèrdia pa 15.00 (3’or) lora pista ku bo outo, motosaikel, scooters y quads dushi asina, inskribí i probechá di tira bo kareda legal aya na Pista di Ronde Klip. Bin ku esun ku bo ta deseá pa reta òf keda reta i bo tin staging lane pa bo stel op ku ken bo ta bai benta bo kareda ku n’e. Waterbox pa bo burnouts. Christmas Tree pa boso salida ta legal. Win light ku scoreboard pa bo registrá bo tempu korektamente pa bo. Na final tambe un timeslip pa asina tur bo data keda registrá. Si ta nobo no prekupá paso tin hende pa siña i guia bo. Probechá e oportunidat aki. E biaha aki asta bo por bai kas ku e titulo di Rei di Kaya 2014.
Rekordando ku e aktividat aki ta esun kaminda tur persona ku tin un rijbewijs válido i tin un vehíkulo, outo òf motosaikel, ku ta legalmente di kaya, lo mester presentá na pista di Curaçao International Raceway despues ku e la paga su entrada general. Ta mustra tur e papel nan legal di e vehíkulo ku ta: Keuringskaart, Seguro i number di 2014 pagá. Ta hasi chekeo di lèkmentu i brake.
[gard]
Tur koredor mester tin un T-shirt, karson largu i kèts ku mea. Paga Ang. 5,= adishonal i por drenta Staging Lane pa asina por hasi pas’é òf reto nan personal riba e pista. Pa koredor nan di motosaikel ta eksigí pa seguridat full pack i sapatu di kueru riba ènkel ku hanskun. Pa koredor nan di scooters y quads ta rekerí jacket, karson largu i sapatu riba ènkel. Pe eventonan aki LO NO PONE TRACTION COMPOUND! Entrada general ta Ang. 5,= pa Adulto i mucha bou di 12 aña ta kontribuí ku Ang. 1,=.
Pendiente pa djasabra promé di novèmber pa e último Ronde Klip Shootout di 2014.
Danki na e spònser nan: Auto City, CUROIL, ARPO Body Shop, EMS Dyno, NAPA Auto & Truck Parts, Alcolado Glacial, AVF Antiliaanse Verf Fabriek, Shell Helix Motor Oils, TCOBCUR, Star Motors, IEPA Agencies.
