Akinan nos ta post e poster pe evento aki, ku lo tin dos inovashon:
FAC lo introdusi un package ku si bo kumpra 10 karchi di entrada pa adulto, bo ta paga solamente 75 florin! (un deskuento di 25%)
Lo tin un MATCH RACE speshal (Best of 3) entre 2 dragsters hopi potente: Zemblé Dragster, manehá pa Jo-Ann Freitas, ku a mustra ku e por kuri hopi bon, lo bai kontra e dragster Black Max 3 ku Ronny Rosina tras di stuur.
E match race aki ta wordu di sponser dor di Roadway Car Rental.
També, bin mira e outonan y brommer ku ta bringando den e Point series, ku lo kulminá na November. E ganadornan dje 4 kategoria lo haña trofeonan y premionan adishonal.
FAC ke tuma e oportunidad aki pa gradisi tur nos sponsers. Nan logo ta aparesé riba e poster. Nan sigur ta sostené e deporte di dragracing y nan ta forma un parti esenshal di nos eventonan. Nos ta pidi pueblo di Korsou sostené nan, hasiendo huso di nan produktonan y servisionan.
Ku esaki, FAC ke yama tur amante di drag pa bai pista di Curacao International Raceway dia 6 di september proksimo.
