“Blackout” ta un biaha mas rumbo pa ATCO ku nos bandera.
E wikènt aki un biaha mas di 17 pa 19 di yüli na ATCO Raceway na New Jersey, Merka, tin e kareda di mas grandi di outo nan Import. Ta e mihó outo nan Import di Puerto Rico kontra di e mihó outo nan Import di Merka i sobra di mundu. E aña aki pa di 3 biaha e outo, Mazda RX 8 “Blackout”, lo bai ta representá nos pais Kòrsou ku nos bandera.
Tur preparashon a tuma lugá riba e outo “Blackout” propiedat di Leonard Van Rump i konosí aki komo Peter di Master Painting. Ku su spònser Fuel Tech a sòru pa tur kos ta na lugá. E mekániko i alabes driver Abel Burgos di e shòp Abel Performance a hasi tur kos mihó pa asina duna un mihó presentashon e aña aki.
Aña pasa e outo “Blackout” a kualifiká nr. 3 den e mihó nan.
[gard]
Ekspektativa nan ta haltu e aña aki atrobe i ban wak kon e presentashon di outo ku ta kore ku bandera i nòmber di Kòrsou riba dje, “Blackout”, lo bai aya na ATCO Raceway na New Jersey Merka.
Éksito na e tim di “Blackout”.
Un danki na Radicalcompetition.com pa e potret nan di Blackout !