Despues di e eksitoso kareda nan di drag race na desèmber último organisá pa Curaçao Extreme Finals lo bai na organisá djasabra 5 di mart próksimo un kareda di “Extreme One Day Bracket”.
Djaweps 18 di febrüari awor na Pit Stop na Santa Rosa Weg enfrente di Marchena Hardware tin inskripshon pa e kareda nan di “Extreme One Day Bracket”. Inskripshon ta habri for di 19.00 (7’or) pa 10.00 (10’or).
[gard]
Pa e kareda aki lo kore e siguiente kategoria:
Import VS Domestic ku ta e outo nan ku ta kore for di 8.99 sekònde pa mas rápido, No Box. E ganador lo risibí Ang. 3.000,= y Runner up lo risibí Ang. 1.500,=.
Tambe lo kore e kategoria di outonan Extreme Krioyo ku ta e outo nan mas rápido ku 10.99 sekònde, Box. E premiashon pa e kategoria aki ta ganador ta risibí un Ang. 3.000 ,= y Runner Up ta bai ku Ang. 1.500,=.
Lo kore e kategoria Extreme Street ku ta e outo nan ku ta kore di 9.00 sekònde pa 12.99 sekònde. E premiashon pa ganador ta Ang. 1.250,= y Runner up lo risibí Ang. 500,=.
E motosaikel nan lo kore den kategoria Quick 32 kaminda lo bai skohe e 32 motosaikel nan mas rápido. E ganador lo bai ku Ang. 2.000,= y Runner up Ang. 800,=.
Por último ta kore e kategoria Extreme Bike ku ta e motosaikel nan ku ta kore for di 10.50 sekònde pa mas rápido.
Pa tur kategoria lo bai tin trofeo pa e number 1 te ku e number 4 den kada kategoria.
Inspekshon tékniko lo bai ta djasabra 5 di mart kuminsando for di 4’or te ku 5’or di atardi. Lo bai tin mas informashon djaweps awor na Pit Stop riba Santa Rosa Weg.
Atentamente,
Sr. Jordan De Freitas Sr. Roward Walle
Presidente CEF PR Komishon Organisadó
561-9933 529-0108