Komunikado “Ronde Klip Shootout ku Match Race di Doorslammers 8.90”
FAC y su Komishon Organisadó ta yama pueblo, fanátiko i koredornan masha danki pa e respòns djadumingu último pa e tremendo Real Street Legal, kaminda e Toyota Alteza nan a duna nan show kompletu.
The Chronicles Of Boost » Real Street Legal – Altezza DAY
FAC ketu bai ta sigui trese inovashon pa e kareda di Ronde Klip Shootout ta ku awor un persona ta forma su grupo di 10 persona i e persona ta paga Ang. 75,= na porta pasa bin paden ku su grupo di 10. Ku e deskuento aki e grupo tin algu èkstra ku por konsumí na sea bar òf kushina nan.
FAC y Komishon Organisadó ta sigui ku e Match Race estilo Pinks All Out. Pa kontinuashon lo bai ta un Match Race entre 2 doorslammer ku ta kore 8.90. E biaha aki ta e Chevrolet Barretta di “Black Max 2” manehá pa Ronnie Rosina
i e Chevrolet Camaro “Hot Gear” di Alvin “Pito” Augusta
[gard]
Ta un challenge di for di tempu di Koraal Tabak ku Ronnie Rosina ku su Pontiac “Black Max” kontra Pito Augusta ku su Chevy 2 “Ayatula Komeheini”. Lo bai ta estilo “Pinks All Out” kaminda ku announcer John Anthony lo ta esun ku ta enkargá pa e “Pinks All Out” pa saka e vehíkulo nan.
Rekordando tur hende ku porta i inskripshon ta habri for di 18.00 (6’or). Pa 19.00 (7’or) te ku 20.00 (8’or) tur outo ku tire slicks òf Semi Slicks tin chèns pa hasi nan pas’é nan di tèst. Kòrda ta solamente pa outo nan ku Tire Slicks òf Semi Slicks.
Despues di 20.00 (8’or) ta kuminsá ku e kualifikashon nan.
Den kategoria di motosaikel kos ta hopi pèrta mes den punto kaminda ta bataya ta bai tin entre e big guy nan. Andrew, Bryan, Cleo, Hubert, Orel, Urney y Jenny no ta bai laga slèk fásil. Ban wak si David Tannelek por ripití atrobe bai ku 2 titulo di Street Bracket y Heavy Bracket No Box òf ku awor si Henleyson Engelhart di Boneiru lo para “Baasbol” ku Tannelek. Virgil lo buska moda di bai subi poster final atrobe den Heavy Bracket Box ?
Bin pa bo mes mira kon e pointstanding nan den diferente kategoria ta.
Kategoria Street Bracket ku ta kore di 18.00 pa 14.00 sekònde:
Lider ku 380 punto ta David Tannelek ku su Toyota Starlet. Na di dos lugá ku 360 punto ta sigui Ethley Martina ku Toyota Starlet. Na di tres puesto ku 320 punto tin Sharnela Martina ku su Toyota Starlet. Na di kuater lugá ku 310 punto tin Christopher Angela ku su Toyota Starlet. Y na sinku lugá Johnnathan Damiana ku 220 punto ku su Toyota Starlet.
Den kategoria Heavy Bracket Box ku ta kore di 11.50 pa 8.90 sekònde:
Lider apsoluto ku 531 punto ta Virgil Henriquez di “Mr. Holley 2” ku su Plymouth Duster. Na di dos lugá tin ku 410 punto Reashel Maduro di “Ram Bam” ku su Chevrolet Monte Carlo.. Na di tres puesto ku 400 punto tin Riordan Zimmerman di “Follow Me” ku su Chevrolet Camaro. Na di kuater lugá ku 337 punto tin Michael Dijkhuizen ku su Pontiac Firebird “Mr. Dijk”. Y na di sinku lugá ku 320 punto tin Randall Wederfoort di “Mr Punch 1” ku su Chevy Camaro.
Den kategoria Heavy Bracket No Box ku ta kore di 13.99 pa 9.20 sekònde:
Lider ku 420 punto ta Christopher Angela ku su Toyota Starlet Turbo. Na di 2 lugá ku 400 punto tin David Tannelek ku su Toyota Starlet Turbo. Na di tres puesto tin ku 367 punto Julien Bonifasio ku su Toyota Starlet Turbo,. Na di kuater lugá tin ku 340 punto Senthley Martina ku su i ku su Toyota Starlet Turbo. Na di sinku lugá ku 300 punto tin Edilberto Henriquez ku su Mazda RX-7 (V8).
[gard]
Den kategoria Street E.T. Bike ku ta kore for di 11.50 sekònde pa mas rápido:
Lider ku 380 punto tin Andrew Soeterboek ku su Suzuki 1000. Na di dos lugá ku 320 punto tin Bryan Leito ku su Suzuki Hayabusa i Christopher Soerka ku su Suzuki Hayabusa. Na di tres puesto ku 291 punto tin Hubert Constansia ku su Suzuki Hayabusa. Na di kuater lugá ku 260 punto tin, Urny Martina ku su Suzuki Hayabusa i Orel Poulina ku su Suzuki Hayabusa. Na di sinku lugá ku 240 punto tin Jenny Martis ku su Suzuki Hayabusa.
Djasabra 27 di sèptèmber “Ronde Klip Shootout” ku porta i inskripshon ta habri for di 18.00 (6’or). Pa 19.00 (7’or) te ku 20.00 (8’or) tur outo ku tire slicks tin chèns pa hasi nan pas’é nan di tèst. Kòrda ta solamente pa outo nan ku Tire Slicks òf Semi Slicks. Despues di 20.00 (8’or) ta kuminsá ku e kualifikashon nan. Entrada pa adulto ta Ang. 10,= i mucha bou 12 aña ta drenta pa Ang. 5,=. Tambe por forma un grupo di 10 i drenta pa Ang. 75,=.
Danki na e spònser nan: Auto City, CUROIL, ARPO Body Shop, EMS Dyno, NAPA Auto & Truck Parts, Alcolado Glacial, AVF Antiliaanse Verf Fabriek, Shell Helix Motor Oils, TCOBCUR.com, Star Motors, IEPA Agencies.
