FAC i su Komishon Organisadó ta yama danki na e patrosinador nan di henter aña 2014 ku ta Auto City, ARPO Body Shop, EMS Dyno, NAPA Auto & Truck Parts, Alcolado Glacial, Gomez Shipping, AVF Antiliaanse Verf Fabriek, Western Trading ku su tire nan Dunlop, Star Motors, IEPA Agencies.
Danki spesial na tur e ofisialnan di pista, Krus Kòrá, Kuerpo di Bombero i Kuerpo Polisial di Pais Kòrsou.
[gard]
FAC y su Komishon Organisadó ta spòt tambe nos koredor y vehíkulonan ku a sobresalí den eksterior durante di 2014. E siguiente outo tambe tin logro nan impreshonante rònt Merka.
Pa loke ta e dos outo ku ta spòt ta “King Kong 5” ku ta propiedat di Frank Brandao, mihó konosí komo Franky Brandao huntu ku su driver nobo di 2014 Lizzy Musi, mekániko i tunner Patrick “Pat” Musi.
Lizzy Musi, yu dje legendario Pat Musi, ta e driver di King Kong 5 durante 2014, un Dodge Stratus ku motor 903 cid ku 5 stages di Nitrous. Pat (su tata), Liz (su mama) y Tricia (su ruman muhé mas chikí) ta forma e crew di KK5, huntu ku Gary Henry i Ryan Lowry. E legendario Ricky Smith tambe sa yuda nan “tune” e chassis dje outo.
Lizzy tin 23 aña di edat. E a nase na New Jersey, USA, pero for di aña pasá é i su famia a bai biba na Mooresville, North Carolina, unda Pat a re-establesé su shop, Pat Musi Racing Engines.
Lizzy a kuminsá kore junior dragsters for di 8 aña di edat, te ora é a kumpli 16 aña. Na aña 2012, Lizzy a kuminsá kore den e kategoria Top Sportsman di ADRL. E a kualifiká pa su promé kareda. Den e segundo evento dje aña 2012, manehando un Camaro, e outo a haña un aksidente na final dje pista. E outo a bòltu, pero Lizzy a sali ileso. Jim, e doño dje outo, a kumpra un otro outo, i Lizzy a sigui den e kampeonato ku e outo nobo – un Camaro 1970 kòrá, ku tabata di sponsored pa Edelbrock. E siguiente aña, Lizzy a partisipá den tur e eventonan Top Sportsman di ADRL, i é a sali den e tòp 5 den puntonan.
ADRL a bai fayit na final di 2013, pero un grupo dje kompetidornan a lanta PDRA – un organisashon nobo, ku ta organisá kompetensianan di 1/8-mile (mitar di un quarter mile). Pat Musi ta un dje supporters dje asosiashon. Nan a traha un schedule di 8 evento pa aña 2014, y Lizzy a partisipá den tur 8.
Den un kombersashon entre Pat Musi i Frankie Brandao, nan a disidí pa laga Lizzy kuri KK5 den e kategoria Pro Nitrous, ku ta enserá eksklusivamente outonan ku nitrous oxide dje kategoria Pro Mod. Esaki tabata un kambio grandi den e tipo di outo ku Lizzy lo mester a kuri. Den e kategoria Top Sportsman, su outo tabata kore 4.10 sekònde @ 150 mph. Sin embargo, Pat tabata verwacht ku KK5 lo kore bou di 3.80 sekònde riba 190 mph.
[gard]
E crew a bai tèst e outo na Florida durante yanüari i febrüari dje aña aki, i na mart Lizzy tabata kla pa kompetí den su promé evento di Pro Nitrous na Rockingham, NC.
- Den e promé evento di PDRA e aña aki, Lizzy a qualify #2, i a yega e semi-final
- Na Rockingham Dragway, Lizzy a kore 3.802-sekonde @ 200.02 mph, bira e promé hende muhé den historia ku a kore mas ku 200 mph den e 1/8-mile (doorslammer)
- Su mihó tempu: 3.74 sekònde @ 201.62 mph (ku ta e record aktual di PDRA pa et).
- Lizzy a gana e di sinku evento (na Virginia International Raceway) i a keda na di 3 logá den puntuashon.
- Fuera di esei, Lizzy a yega n’e kareda final di 2 otro evento. Un di nan é a pèrdè pa motibu di un fayo tékniko dje outo.
- Durante e aña, Lizzy tabata #2 den puntuashon for dje evento 5 te n’e último evento, den kual é a baha te na #3.
Mei mei dje temporada, Lizzy tabatin e record di tempu (et) i speed (mph) di PDRA pe outonan Pro Nitrous. Na final dje temporada, é a retené e record di speed ku 201.40 mph (den 1/8-mile).
Plannan pa 2015, pe temporada nobo, PDRA a traha un race schedule di 10 evento, ku ta inkluí: Rockingham, Virginia, Bradenton i otronan.
Frankie Brandao a bestèl un outo nobo serka Jerry Bickel: un Dodge Dart, ku lo tin un motor di EFI 903 cid di Pat Musi, ku un transmision Bruno, ku Lenco di 3 speed, etc. Esaki lo bira “King Kong 6”. Frankie, Pat y Lizzy tin mashá bon speransa pe outo nobo aki.
Aparte di tur esaki rondó di “King Kong 5” tambe Pat Musi Racing Engines a bolbe gana e premio di e mihó motor nan di 2014. Tambe ku Richi Smith a bira kampion NHRA Pro Mod ku e motor Pat Musi.
Keda pendiente pa nos siguiente artíkulo di “Cosa Nostra” di Alessandro De Luca, kual tin e vehíkulo na benta, Rendolf Torbed ku motosaikel, Jason Angela i Jenny Martis di Still Balling aya na Merka i tambe Charly Anasagasti na Oropa.