FAC y su Komishon Organisadó ta partisipá via di e komunikado aki ku tur kos ta kanando sigun skema pa Curaçao International Drag Fest 2015 pa fin di luna aki na Curaçao International Raceway na Ronde Klip.
[gard]
Djasabra último a tuma lugá e eksitoso e mini Car & Bike Show na Mangusá Hypermarket. Na mes momentu na waf na Aruba tabata tumando lugá e loading di e vehíkulo nan di Aruba. Esaki a bai hopi bon y ku djaluna anochi tur e kònteiner nan a subi e barku Doña Louisa pa asina kue rumbo pa Kòrsou. Den e kònteiner nan aki tin e siguiente vehíkulo nan ku ta bin Kòrsou pa Cur. Int. Drag Fest 2015. Tin e: Toyota Corolla ’69 “Family Connection” di Glennrick Curie, Toyota Paseo “Dylon Army” di Errold Ridderstap, Chevrolet Corvette “Proud & Rebel” di Shaqueel Geerman, Olds’ Cuttles “Molester” di Burthy Kock, Ford Mustang “Maxito” di Max Arends, Toyota Starlet “Black Shadow” di Michael Croeze, Ford Mustang “Don’t Panic”di Kedy Koolman, Dragster “Don’t Panic”di Jacquadely Koolman, Chevrolet Corvette “Hubble Bubble” di Frits De Mei, Ford Mustang Turbo “Lings” di Carlton Ling, Pontiac Firebird “DHL Don Flip” di Felipe “Flip” Werleman, Pontiac Gran Am “Monster Don Flip” di Mark Tromp, Dodge Dart “Twister” di Raul Lopez Jr., Altered “Twitty” di Raul Lopez Sr., Datsun 120-Y “JR Madness” di Jean Carlo Ras, Toyota Corolla Station Wagon “Adai Racing” di Randall Trimon y Toyota Starlet “Nochi Express” di Signon Martha.
E motosaikel di Aruba ta debidamente representá ku e bon tim nan manera: Mad Max & Easy Racing tei ku Felix “Junior” Fingal Jr., Luigene Edwarda, Urvin “Terror Del Llano” Maduro, Cedric Maduro, Miljenka “Barbie Busa” Franken, Angelo “Papi Zuiker” Ras, Omar Lannoy, Jayson “Destroyer” Geerman. Di P’nuts Racing tei: Richard Every, Francis Kock, Reginald Geerman. Don’t Panic tin Courtney Wouters, Extreme Racing: Garvey Werleman y Jason Angela. Mente Sano Racing: Richard Croes y Charles Tromp. The Fly Racing ku Kevin “Kip” Hassel y Tierra Mala ku Zeninah Kock orguyo di Burthy Kock.
Djadumingu aki na Kòrsou tabata tin e eksitoso parada di e outo i motosaikel nan ku a keiru den Banda Riba i Banda Bou ku a kuminsá i terminá na Waaigat.
Pendiente pa nos haña inskripshon di e kareda djamars 21 di aprel ku ta tuma lugá na Bandera Plaza na Santa Rosa Weg dilanti di Marchana Hardware for di 18.00 (6’or) te ku 23.00 (11’or). Despues di e fecha aki inskripshon pa kada kategoria ta subi ku Ang. 50,00.
Fecha na importante ta: djasabra 25 y djadumingu 26 inspekshon tékniko i tèst, djamars 28 di aprel Car & Bike Show na Brionplein Otrabanda. Djarason 29 di aprel Test & Tune Night te ku 23.00 (11’or) y 30 di aprel promé dia di kareda for di 18.00 (6’or), djabièrnè promé di mei di 2 dia di kareda for di 16.00 (4’or) i djasabra 2 di mei di 3 i último dia di kareda for di 18.00 (6’or).
Entrada pa Test & Tune Night djarason 29 di aprel ta Naf. 15,= pa Adulto i mucha bou di 12 aña ta Naf. 5,=. Entrada via Pit Area.
Entrada pakete di 3 dia pa pit ta kosta Naf. 100,= pa 3 dia pa adulto.
Entrada pa pit pa dia ta: djaweps 30 di aprel y djabièrnè 1 mei ta kosta Naf. 35,= y djasabra 2 di mei ta Naf. 50,=. Entrada pa pit pa mucha bou di 12 aña ta djaweps 30 di aprel y djabièrnè 1 di mei ta kosta Naf. 20,= y djasabra 2 di mei ta Naf. 25,=.
Entrada general pa adulto ta kosta Naf. 25,= pa persona pa dianan 30 di aprel 1 y 2 di mei.
Entrada general pa mucha bou di 12 aña ta kosta Naf. 5,= pa mucha pa dia.
E aña aki tin oportunidat pa parker den sekshon B ku ta tira pa pit área ku ta kosta Naf. 25,= pa 3 dia òf por para na sekshon D tras di tribuna di betòn pa Naf. 15,=.
Wak pa bo reserva e dianan aki pa e selebrashon di 44 aña drag racing ABC y 19 aña Curaçao International Raceway.
Danki na tur e spònser nan ku ta hasi “Curaçao Drag Fest 2015” posibel ku ta CTB ofisina di Turismo di Kòrsou, Rafinaderia Kòrsou, Curoil, NAPA Auto & Truck Parts, Alcolado Glasial, Monster Engery Drink, AVF Antiliaanse Verf Fabriek, KFC, Subway, Coca Cola, Don Andres, Apache Heavy Equipment, Medina Cargo Services, Insel Air, Kuzeta, IEPA Agencies, Star Motors, ARPO Bodyshop, EMS Dyno, Radio Rock Kòrsou 88.3 i Mi 95 ZFM 95.7, TCOBCUR y Exoticboost AUA & CUR.
Pa mas informashon y foto di e aktividat di Street Legal i kareda nan lokal i internashonal por bishita nos website nan ofisial: : www.curacaodrag.com, www.dragactioncuracao.com, www.tcobcur.com, www.adrena-zine.com, www.rpmaruba.com, www.racejunkies.com, www.radicalcompetition.com www.exoticboost.com huntu ku nan página di FaceBook y tambe riba FaceBook like page di BoyzToyz i speedoutlawscuracao i exoticboostcuracao i exoticboostaruba.
