Korsou su bandera un biaha mas ku “Blackout” aya na Orlando Speedworld.

Ya ta 7 aña pasa ku e Mazda RX 3 yama “Street Drama” di ruman Meyer a bira e promé Import Car di Kòrsou ku a yega Orlando Speedworld. Ta e soño e tempu ei di Ingomar, Dexter y Glenroy Meyer pa nan outo a kore un kareda internashonal na Merka i nan a logra esaki na 2010.

Na mes un momentu tambe e Arubano Frans Ponson ku Mazda RX7 “Hailey” a hasi furor koriendo e final kontra “El Humilde” di Jorge “Oso” Uribe.

Seguidamente a sigui famia De Luca ku nan Mazda RX 8 yama “Cosa Nostra”. Alessandro De Luca a kore su outo pa algun aña huntu ku su Tata Aldo De Luca. Despues a sigui e outo Mazda RX8 “Rafik” ku ta kompletamente konstruí na Kòrsou pa e Kurasoleño Michael Eddine i ta kompetí aya. Aruba tambe a sigui ku nan “Super Scion” di Joy Maduro.

Street Drama	Cosa Nostra
Rafik ku Blackout

Pa e último aña nan Kòrsou su Bandera a keda representá pa e Mazda RX 8 yama “Blackout” di Peter manehá pa Abel Burgos di Abel Performance aya na Orlando, Florida.

E aña aki preparashon nan a keda hasi ku software nobo di Fuel Tech y ku motor Billet.

Pa e último 2 aña nan ku a pasa, Kòrsou su “Blackout” a gana e pointserie di “Micro Tech Sport Compact Challenge” i aktualmente un biaha mas ta e lider na kabes di e lista i ku fasilidat lo bai gana e titulo aki pa di 3 aña konsekutivo. Pa djasabra lo bai tin un kompetensia den e 4 Mazda motor 13B rotativo nan mas rápido di Mundu. Di kual Kòrsou su “Blackout” ta number 4 riba e lista. E reto ta di gana e challenge i tambe alabes bai pa mehorá su posishon riba e lista òf pa por bira e Mazda motor 13B mas rápido di mundu. Y por último gana e kompetensia di tur outo huntu riba djadumingu.

Mazda RX8 “Blackout” ta kla kla pa representá bandera di Kòrsou na Orlando Speedworld.

Hermana isla Aruba tambe tei na Orlando ku e ruman nan Farolito ku nan Honda Civic den kategoria di front wheel drive.

Honda Civic FWD di ruman nan Farolito di Aruba.

Pues e fin di siman aki na Orlando, Florida ta basta ta e yu nan di Kòrsou ku Arubano ku ta presente pa wak na Orlando Speed World pa e karedanan di “Compact Cars World Finals”.