Durante fin di siman tras di lomba a kore e último kareda di aña pa e organisashon di PDRA na Virginia. E ganador di e kareda aki a resultá Lizzy Musi ku ta kore e Dodge Dart “King Kong 6” ku e motor di su Tata Pat Musi i e outo ku ta propiedat di e Yu di Kòrsou Frank Brandao. Ku e viktoria aki e aña aki Lizzy ku “King Kong 6” ta terminá na di 3 lugá den e pointstanding 2017. E ganadó di 2017 den pointstanding Tommy Franklin ta kore ku motor Pat Musi.
Aki e beyesa di Lizzy Musi lusiendo ku su trofeo di PDRA.
Aki Lizzy Musi preparando su motor.
[gard]
Durante e kareda na Virginia a den kategoria “Pro Nitrous” a kualifiká 16 outo di kual 9 ta koriendo ku motor Pat Musi. Despues di e promé buèlta a resta 8 outo di kual 6 ku motor Pat Musi. Den semi final ku 4 outo tin 3 ku motor Pat Musi. E final ta kore ku 2 outo ku tur 2 ku motor Pat Musi. E ganador Lizzy Musi ku “KK6” y runner up Tommy Franklin koriendo ku motor “Popeye Pat Musi Racing Engine”. No ta sufisiente ainda.
Durante e kareda di 1/8 mile na Virginia aki, a keda registrá 2 rekòrt nashonal. Ta trata di e mihó E.T. (Eclipsed Time) di 3.653 sekònde pa Tommy Frankling i e mihó MPH (Miles Per Hour) di 206.54 miya pa ora pa Lizzy Musi den “King Kong 6”. Asina aki Pat Musi a keda hasi henter aña na tur e pista nan ku nan a kore tantu na Quatar komo rònt Merka. Ku tur e hazaña aki, Pat Musi ta gana e premio pa di 5 aña konsekutivo di Best Engine Builder Of The Year.
E evento promé ku esun di Virginia a tuma logá na Galot Motorspork Park (North Carolina) na 9 sèptèmber último i aki tambe Lizzy a gana dicho evento. Einan é a imponé ET record na 3.656 sekònde i di máksimo velosidat na 206.54 mph (miya pa ora). E a kualifiká number 2 y den final a gana Tommy Franklin ku a kualifiká 1.
Tambe ta asina ku e announcer ofisial di PDRA All Tuchi tur momentu ku Lizzy Musi ku “King Kong 6” ta yega liña ta keda menshoná na e pista nan e nòmber di Curaçao i Frank Brandao konstantemente. Ta propaganda nan impagabel.
Lizzy i Pat Musi huntu ku Frankie Brandao i ku henter e tim selebrando e viktoria na Virginia.
Pa e selebrashon aki na dado momentu tur hende den e área di burnout área tabata bisti na e T-Shirt ku tempu ku Pat Musi a sali kampion 8 aña konsekutivo di e kategoria Pro Street e tempu ei.
Esaki ta e T-Shirt ku Pat Musi a usa djadumingu mainta ei, pa rekordando su 8 aña nan kampion kategoria “Pro Street” den prinsipio di aña nan 2000.
Pat Musi aki guiando su prinsesa Lizzy pa stage.
Lizzy su Mama, eks drag race driver Elizabeth Musi, tambe ta un di esnan ku ta guia su prinsesa Lizzy pa liña pa stage.
[gard]
Despues di Frank Brandao ku a pusha Pat Musi ku su motor nan, tin tambe un hòmber hopi konosí ku ta riba e foto aki ku ta Vic Edelbrock (RIP) ku semper a support Pat Musi Engine ku e produkto nan di Edelbrock. Ta nan ta forma e sekreto nan den e motor nan Nitrous “Popeye Pat Musi Racing Engine”.